BaLqEeS

Thursday, June 15, 2006

دعاء المظلوم
هذه سالفه حقيقيه صارت حق وحده قلت لازم اقولكم اياها
كانت لطيفه بالجامعه عايشه حياتها مستقره .... همها كان الدراسه و حياتها كل مع صديقاتها ...مدللة و اهلها مو مقصرين معاها بشي....
نوعا ما...... كانت جميله..لذلك كان لها معجبين بالجامعه وايد بس اهي مالها شغل في احد... مبتعده عن اي شي يمكن يأثر في سمعتها
المهم ما بي اطول عليكم....
قامت تسمع قصص صديقاتها مع الحب و شلون ان احلى شيء في الدنيا ان الوحده تلقى من يحبها و يهتم فيها
احلام تافهه و صغيره لكن بذاك الوقت كانت تمثل شي مهم حق اي بنت بهذا السن
حست لطيفه فجأه ان اهي وحيده .... وكل اللي حولها مشغول.. ومن الوحده ,صارت تشعر بكابه ويأس, وتبجي من غير سبب و تشكي حق صديقتها * معاناتها
ظلت على هذا الحال فتره
....حتى طرا على بالها احد معجبينها من الطلبه.....
كان هذا الطالب *محمد* دائما يراقب لطيفه من بعيد ...بس عمره ما حاول ان يتعرف عليها ..يكتفي فقظ بالنظر اليها و الابتسامه لها من بعيد..يمكن لهذا السبب جعل لطيفه اتفكر فيه
راحت حق صديقتها اماني و اتفقوا ان يطلعون رقمه و يدزون له مسج
.......لحسن الحظ كان ايام عيد رمضان...يعني في مناسبه....من هذه الطريقه كانت بدايه معرفتها بمحمد
ما اخفي عليكم ...هو لما عرف انها لطيفه ما صدق من الفرحه....اعترف لها انها اهيا كانت حلم حياته.. بس كان خايف ان ياخذ اي خطوه تعكس الموضوع و يخسرها للابد
مر على علاقتهم 6 شهور
..كانت احلى ايام بالنسبه لها ...حب بريء باخلاص وعذري خالي من الشوائب...
فجاه حست لطيفه ان لازم تضع حد لهذه العلاقه... خاصة ان اهي طول هذه الفتره كانت تشعر بتانيب الضمير...لانها لم تتعود ان تخفي شيء عن اهلها..ومحمداستلم و ظيفته بعد التخرج ولم يعد هناك اية حواجز تمنعه من الارتباط بها.. في نفس الوقت كانت تخجل بان تصارحه بهذا الامر
قررت انها تنهي علاقتها بمحمد..
وترى اذا كان يحبها راح على طول يتقدم لها.......وفعلا انهت علاقتها فيه موضحه له ان هذا الشيء غلط و هي غير مرتاحه
لكن
لم يمر اسبوع على قطع العلاقه ... الااصبح محمد يلاحقها في كل مكان و يتصل عليها و يصر على انها ترد له و ان هو ما يقدر يعيش من غيرها ... ويلمح لها فكرة الزواج منها عن قريب...
امام كل هذه الضغوطات ....تضعف لطيفه وترجع حق محمد
مر اسبوعان على هذه الحادثه ....حتى يفاجا محمد لطيفه بانه يريد انهاء هذه العلاقه بدون توضيح الاسباب
....يفترقان و لطيفه متعلقه بامل الحب ..بانه سوف يرجع لها
لكن ياتيها الخبر كالصاعقه
...... خطبة محمد على وحده من البنات
تتماسك لطيفه و تتصل لتبارك له كان لم يكن شيء بينهما يوما ما...لتقفل السماعه ....عندها تضيق الدنيا بها ...وتنهار ...تدخل المستشفى اياما و لا احد يعلم ماهي علتها و لا حتى هو
تمر الايام بطيئه... و موحشه ..تشعر كانها ليست بالدنيا..... كانها في حلم ... يلازمها الارق..لكن ايمانها و ثقتها بالله قويه.....تبكي باليل تجتهد بالدعاء.. وتناجي الرحمن ان يزيل هذا الهم منها و يرجع لها محمد
مع الوقت.
.. تنصدم لطيفه بان احدى صديقاتها تعلم بعلاقتها بمحمد....عن طريق صديق محمد...كان قد افشى له سر علاقته بها
تنهااااار لطيفه.. و تبدا بالدعاء عليه ان الله يوريها يوم فيه.. مثل ما غدر فيها و شهر بها
الحقيقه ان محمد لم يذكر شيءعنها ..سوى انه كان على علاقه بها
ولكن هذا بحد
ذاته كانت تعتبره تشهير بها
يتزوج محمد بعد 8 شهور من الخطبه .. ودمعة لطيفه لم تجف بعد.. ومناجاتها في جوف الليل للودود لم تتوقف
بعد شهرين من زواج محمد ..تتفاجأ لطيفه بمعاودة اتصاله بها ...وما ان ترفع سماعة الهاتف حتى يصمت و كانه يريد ان يسمع صوتها فقط
لم تعجبها هذه الحركه ابدا .. و لكن شعرت انها بداية النصر..استمر فترة على هذه الحال... ثم تعمدت ان توصل السالفه لاحدى صديقاتها التي تعرف صديق له لكي يتوقف لانها لن تقبل ابدا ان تمثل دور العشيقه له .في حين يكون هو مستقر في حياته
اية انانيه هذه يعيشها
..ا يغدر بحبيبته دون توضيح الاسباب لها...يتركها وحيده تصارع الم الفراق و تلملم شتات امرها ..بينما هو يقبل على حياة جديده مع امراه من اختيار اهله له ولم يلتفت طول الفتره الى من كانت تحبه
تمر 3 سنوات ..... لتتزوج لطيفه بشاب مثالي تتمناه اي بنت في الكويت.. وكانه هديه من الله مكافاة لها على صبرها لهذه المحنه التي مرت بها...انجبت 4 اولاد.
. تنسى حب حياتها الاول لتعيش مرحله جديده و حب اسري ناضج مع زوج محب
لكن
الله لا ينسى دعوة المظلوم سبحانه...وغدر الظالم
تمر السنوات .....تذهب لطيفه لبيت واحده من زميلات الجامعه القدامى...بدعوه على العشاء...وهي جالسه مع زميلاتها يتسامرن الحديث و يعيدون ذكريات الجامعه
فجأه
تسمع خبر طلاق محمد من زوجته..بدون معرفة الاسباب!!!!...لكن تسمع شائعه تقول انه كان يحب
وحده ...لكن اهله مارضوا فيها ...وزوجوه اللي في بالهم
تسمع الخبر في كل برود.. ولم يؤثر فيها مقدار شعره واحده
ترجع الى البيت و تسجد لربها سجدة شكر...على انها لم تتزوج محمد(حتى لا يكون مصيرها كزوجته)و على انه انعمها بنعمة الاستقرار و زال الهم من قلبها....وانه رد لها اعتبارها وثقتها بنفسها بعد ان كانت مفقوده سنين طويله
سبحانك ربي تمهل و لا تهمل......
*انتهى*

23 Comments:

  • سبحان الله
    في مثل يقول (من سوه سوي له ) يعني اللي يعمل شي لغيره يصير له نفس الشي
    قصه ذات عبره
    :-)

    By Blogger layal, at 16 June, 2006 09:27  

  • حلو السرد

    الحين ممكن اطلع اللي بقلبي :
    اسمحيلي اقولج ان لطيفه
    تااااااااااافههه
    وتافههه جدا
    اللي بعد 4 سنوات شايله بقلبها كل هالحقد
    وهي مره ام عيال
    المفروض تحمد ربها ان الله رزقها بريال صالح وانعم عليها بالأستقرار مع الابناء
    اعرف ناس صار لهم اكثر من لطيفه
    لكن ما شالوا بقلبهم مثل ما شالت
    قلوووب سوده اعوذ بالله
    ادعي لها عسى الله ينظف قلبها من هالحقد
    تسجد ان الريال طلق مرته
    شذنب المره...ومن قال ان من دعوتها يمكن ما استقرواخو لكويت الطلاق اببيزه
    واي ظلمها..اهي اللي رايحه امدززتله مسجات ومادري شنهو
    لو اهوه اللي داق عليها اوكي
    ووايد معجبه بنفسها ترى
    لو فعلا اهي جذي جان خطبها واحد من زملائها المعجبين فيها
    الا اهي ودها تكون ملفته للأنظار
    قولي الحمدالله عالعافيه
    الحجي مو لج بلقيس حق لطيفه اللي عسى الله يهديها وينظف قلبها

    انحمس قلبي والله ان في ناس جذي
    آسفه انفعلت:)

    By Blogger 3ateeja, at 16 June, 2006 09:45  

  • عتيجه :
    هههههه واى ما اعبر عتيجه ترى حبيتج موتينى ضحك هههههههههههههههههههههههههههههههههههههههههههههه لووووووووووووووووول زوقه..

    بلقيس :
    الرياييل ما منهم امان وترى نادر ما تلقين ريال بمعنى الكلمه ونادر ما تلقين ريال يصلب ويدافع عن حبه جدام اى ازمه تمر وخصوووصا اذا اهله ما عجبتهم البنت !!
    بس لطيفه المفروض تكون اقوى الى ما يبينا ما نبيييييه ومن عافنا عفنا لو كان غالى ، والبنت الى تعز نفسها تنحط عالراس ، يوم ان ما قام يرد عليها فالله يحفظه ويوم خطب يولى الف بداله ،، انا حدى اتازم اذا شفت بنت ضعيفه وميته على الريال !! الريال الى يموت على البنت ولازم يقدرها موبكيفه والله تنرفزتت

    By Blogger Charisma, at 16 June, 2006 19:46  

  • يخسي ماعاش منو يخليني ادخل المستشفى واستمرض عشانه .. ما يسوى اني اضيع وقتي وتفكيري في واحد باعني
    الحمدالله اللي الله فك لطيفه منه
    والفال لي اشوف يوم في اللي ظلمني
    ;P

    عتيجه:
    البنت اسجدت سجدت شكر لله مو عشان طلق لا عشان كانت اتفكر لو انها كانت متزوجته جان صار مصيرها مثل مصير زوجته الحين بس .. والا الواحد ما يتشمت بحد

    By Blogger NaDiA AnZa7a, at 16 June, 2006 22:59  

  • الله يزيد بناتنا قوة وسنع
    وهذا الكلاام حق الشيخات الثلاث اللي معلقين فوقي:))


    هذي القصه واقعيه
    وسبحان الله فعلا كل شي نصيب من رب العالمين،والانسان ما يدري وين خيرته
    :)

    By Blogger EsTeKaNa, at 16 June, 2006 23:07  

  • ندوي
    انت شفتي عنوان القصه دعاء المظلوووووم
    وربي تمهل ولا تهمل
    مبينه واضحه يا وخيتي
    ورايحه امدززه حق الريايل مساجات وتقوله ان اهوه معجب فيها
    ارحمنااااااااااااااا
    صاروخ بناتي اصلي مبينه
    كيتي ..حبتج العافيه :)

    تعالي انا حدي مشتطه جذي تطلع القصه مو صجيه واللي بصير مظحكه

    By Blogger 3ateeja, at 17 June, 2006 04:01  

  • واضح جدا ان لطيفه ذو تفكير قاصر بالبدايه ..


    ثم وضح لي بانها انانيه... وتناست بان الدعوات بالطلاق لا تؤثر في الرجل وانما على المرأه وشتات ابنائها وتفكك اسره ,,



    رغم اعجابي بتمسكها بالدعاء .. لانكها ضعيفه جدا .. ومهزوزه الشخصيه ,,,

    فقد رجل في حياتها ادى الى هذا ,,, ماذا لو فقدت والدتها هل تنتحر؟؟


    بلقيس .. لقصصك مواعض ..


    رائعه انت ..

    By Blogger R7eeq, at 17 June, 2006 04:50  

  • هههههههههههههه
    يابنات

    البنت مادعت عليييه ان يطلق و ينخرب بيته و بيت المسكينه زوجته
    البنت دعت ان الله يشييل الهم من قلبها

    وسجدت شكر لله انها ما صارت مرته

    لو الواحد يعلم الغيب جان رضا باللي الله قاسم له
    ندووووووووووي انتي اللي فاهمتني
    سامحوني اذا رديت عليكم جماعي
    بس والله الاهل مشاغبيني على الكمبيوتر

    ارد عليكم بعدين

    By Blogger BaLqEeS, at 17 June, 2006 18:04  

  • حلوة القصة بلقيس
    تسلمي

    بس ترا هذي نتيجة صحبة السوء
    لو صديقاتها محترمات و ما لهن شغل فهالامور التافهة ما كانت اندمجت و بغت تعمل زيهم
    والاشد انها تمادت
    تحمد ربها ان الامور ما وصلت لأمور اشد من كذا
    الاهم انها قدرت بالنهاية ان نصيبها كان الافضل لها
    وعسى ان تكرهوا شيئاً وهو خير لكم

    الله يهدي الجميع يا رب

    By Blogger >>Sama Oman, at 17 June, 2006 23:02  

  • اممممم

    صراحه مادري شقوول

    بس الغلط الاول ان محمد ماعطى سبب مقنع حق لطيفه

    وبالتالي ظلت تدعي عليه ..

    والغلط الثاني ان لطيفه عرفت السبب وماقدرت الموقف اللي انوضع فيه

    (( ان اهله مارضوا ))

    يعني مو اهو اللي ماكان يبيها اهله السبب

    عالعموم يعطيج العافيه اختي

    .. تحياتي ..

    By Blogger Si7LeYa, at 18 June, 2006 02:00  

  • يا جماعه اشفيكم اكلتو البنت بقشورها
    صحيح اهي اغلطت ودزت مسج بس ربكم كان يدري انها سنعه وابعدا عن طريجها واهي بعد سنعها خلاها اترد عن الغلط اللي سوته وتنهي العلاقة بس محمد اهو اللي قلبه نيس ومارضا انها اهي اللي اتهده وقال انا اللي ارفسها مو اهي
    بالله قولولي منو اللي حقود وقلبه اسود؟؟؟
    !!!!!!!1
    وثاني شي لما اتصل فيها بعد زواجه لو اهي خبثة وداهية جان اسحبتا من صوبها بس البنت اعرفت غلطها والجأت لربها واطلبت منه المغفرة وان يمسح على قلبها ويصبرها ويعوضها باحسن منه
    بس ما اطلبت ان يخترب بيته
    واحمدت ربها واشكرته على ان مو اهو نصيبها والا جان الحين امطلقه

    هذا تحليلي الشخصي واللي استشفيته من القصه .. وعشان انا وايد عشت بالقصة
    :))
    ولكم القبول او الرفض

    By Blogger NaDiA AnZa7a, at 19 June, 2006 22:55  

  • أنا مؤمن فعلا بأن دعاء المظوم مستجاب ومسموع فالله تعالى أقوى وأكبر من ان يترك مظلوما في الدنيا
    وفقك الله وأعزك

    By Blogger ayhm jzzan, at 21 June, 2006 15:04  

  • انا مؤمنة بأن من يعمل خير سيجده
    ومن يزرع شر سيحصده

    قصة جميلة
    دمت بخير

    By Blogger NewMe, at 22 June, 2006 11:15  

  • nadya
    وااااي بعد قلبي جنج داشه قلب البنت وعارفه شنو اتفكر فييه .....
    يعطيج العافيه... والله فكيتيني من اني اوضح شنو كان قصد البنت من السجده...و شنو كان قصدي من القصه ككل يعطييج العافيه


    يا جماعه
    انا بقولكم المختصر المفيد من القصه

    لطيفه كانت بنت سنعه-
    كان تفكيرها قاصر و تافه-


    و مستعيله وايد على رزقها...لو صابره شوي جان ما صار اللي صار من هم وحزن وفراق بس (خلق الانسان من عجل)سبحان الله

    غلطت و ندمت و تابت

    محمد كان مثال للانسان المحب لكن ذو شخصيه مهزوزه امام اهله... وضعيفه امامها لدرجه انه لم يصارحها بالامر

    وايضا كان اهوا اللي حاب ينهي العلاقه مو اهيا (انانية الرجل) مثل ما قالت ناديه

    صانت قدسية علاقتها به بالمقابل ..هو افشى عن علاقته بها

    انظلمت منه ودفعت ثمن غلطتها

    دعت ربها ان يزيح الالم من قلبها بعد ان اثقلتها الهموم

    استجاب ربي لدعائها و اعطاها سؤلها



    ادركت بالنهايه ان كل شى قاسم لها الله في هذه الدنيا خير

    لذلك سجدت شاكره لربها بعدما ادركت ان ما قسمه ربي لها هو بالفعل خير


    ودمتم

    By Blogger BaLqEeS, at 23 June, 2006 00:42  

  • تعرفي بلقيس إيه أغرب شيء ..؟؟
    إني أقرأ البوست ومشغل على الجهاز أغنية الجسمي دعوة المظلوم - جلسة

    والله العظيم
    :)
    تسلم إيدك على البوست

    By Blogger Abdou Basha, at 24 June, 2006 13:27  

  • لا أحد يعرف اين يجد الخير

    By Blogger marktwain, at 24 June, 2006 21:24  

  • abdu basha
    الله يعطيك العافيه... ما قصرت

    marktwain
    علشان جذيه ....الواحد لازم يعرف
    ان كل اللي الله كاتبه له في الدنيا خير

    ويرضى بقسمة ربه له ...حتى لو ما مشت الدنيا على هواه

    By Blogger BaLqEeS, at 26 June, 2006 14:03  

  • حركة تكبير بعض الكلمات اعجبتني
    لما الواحد يكون مستعيل يحاول يلجح بعض الشغلات اللي يفهم من خلالها الموضوع كله
    :)

    وايد احصلت لهم مثل هالقصة و غالباً تكون النهاية فيها ظلم و ضيقة خلق و يمكن خيانة و غيرها

    الله يكتب اللي فيه الخير

    By Blogger eb9ara7a, at 27 June, 2006 01:25  

  • تصير وايد هالقصص بالحياة...:)

    الله يهنيها وين ما كانت والحمد لله على كل حال...:)

    بس حدها كانت غلطانه يوم دشت المستشفى عشان واحد ما يستاهل @!@

    يعطيج العافية بلقيس..^___*

    By Blogger Q8ya, at 29 June, 2006 12:26  

  • eb9ara7a
    انا تعمدت اكتب بهذه الطريقه...للقراه السريعه

    مشكور على تعليقك و يعطيك العافيه

    q8ya
    ايه والله انا معاج بهذه السالفه...بس الظاهر في ذاك الوقت كان عقلها حده صغير..وتفكيرها محدود

    By Blogger BaLqEeS, at 01 July, 2006 00:01  

  • UpDate Dear
    Waiting for your new posts *_^

    By Blogger >>Sama Oman, at 06 July, 2006 00:11  

  • والله لطيفة تافهه وغيبة

    والواقع ان الله رد لها ما كان من امرها

    وكما تركت حبيبها وجرختة في اول القصة بقد تركها

    وبعد سنوات عندما عرفت الحقيقة فلم تفهما

    هوة كان يحبها ولمن اهلة رفضوا زواجة بها وزوجوة من اخرى رغما عنة

    وبدلا من ان تسعد انها اكتشفت بعد كل تلك السنوات انة لم يخدعها وانما هو من تعذب و كان ضحية رفض اهلة لرغبتة بالزواج منها بل هي بغبائها تشمت فية

    By Blogger الحصان الأسود, at 25 January, 2007 21:17  

  • رايي راي الأقلية هني
    في نقطة مو الكل انتبه لها ان الأهل ما رضوا فيها والا اهوا يبيها

    صارت و تصير وايد

    لو انا منها لو حبيته صج حتى لو تألمت منه و دشيت المستشفى ، كان راح يضيق خلقي انه انفصل عن مرته بدون ما اعرف السبب ، يعني ما بالج اذا وصلني الخبر مع المعلومة اللي كانت تبين انه كان صج يبيني بس الظروف كانت كلش مو صوبه ، اكيد اهوا غلطان بعد بس هذا ما يمنع اني افرح بطلاقه

    و تفكيرها مادري شلون انه لو تزوجته جان اكيد مصيري نفسها اللي تطلقت ، اهيا شي و اللي خذاها باختيار الاهل شي ثاني


    قصة و انتهت بس حبيت اقول رايي فيها : )

    By Blogger Eva, at 19 July, 2007 01:01  

Post a Comment

<< Home