BaLqEeS

Sunday, May 07, 2006

الجزء الثالث
حقيقة المرأة المجهوله
مر اسبوعان على وصولنا الكويت,انتهى شهر العسل و رجع كل شيء كما كان ...وما ان عدنا حتى بدأت اعراض الحمل تظهر لي فجأه "لا اصدق لم اكن اتوقع ان احمل في هذه السرعه".....بكيت ما ان علمت بالخبر
ومع ذلك كان شيئا من السعاده في داخلي و اقول " هذه حكمت رب العالمين ,لعل ذلك يغير الامور" . لم استطع ان اكره خالد فهو لايزال يعاملني بلطف "ليتني لم اسمع تلك المكالمه المشؤومه" و مع هذا لم اشعر انه سعد بخبر حملي كثيرا
جلست احتسي القهوه في* ستار بكس* في انتظار صاحبتي عنود التي اعدت لي الخطه لازاحة تلك المراه من حياتي بعدما استطعت اعطائها رقمها
نعم الاخت ... معي دائما بالفرح و الحزن ...يعجبني كلامها كالبلسم على الجرح,لها خبره في الحياة كونها تزوجت قبلي بسنوات وظلت محافظه على بيتها رغم العقبات و الصدام الدائم مع زوجها... اتذكر كلامها عندما شكوت لها حالي(شوفي يا المينونه لا تفرطين بريلج...هو لو مو صوبج جان ما جابلج بشهر العسل 24 ساعه وصبر على فراقها...ترى الريال مثل الياهل بس انت دلي مفتاح قلبه و شوفي شلون بحبج,ات بس طلعيلي رقمها من موبايله بدون لا يدري ....وعطيني اسبوع و ماعليج)..كان وقع كلامهاعلي له بالغ الاثر في نفسي(صح لو مايحبني جان ما "صبر على فراقها) وارجع الى عقلي كأن "يقول لي"اه يا دلال كم تحاولين ارضاء غرورك
الان فهمت معنى الايه (ان كيدهن عظيم) كنت دائما اتفكر في معناها واقول "انا ما عندي هذا الشيء"..لكن عرفت الحين ان كل امرأه عندها كيد يظهر في وقت الظروف
هاهي عنود اقبلت علي و احس في وجهها شيء من السعاده
دلول ابشرج خلاص استانسي ...وخرت المره من طريجج..بس.. عرفت اشياء وايد عنها و عن خالد-
ابتسم وفي شيء من الخوف
خير ..قوليلي شنو عرفتي-
الله يسلمج خالد كان يعرفها من ايام الجامعه ويبيها بس اهله ما وافقوا عليها للفوارق الاجتماعيه طبعا و بعد ين اهي ملت وتزوجت غيره ,يابت لها ولدين وتطلقت بعد 5 سنوات..عقبها ردت حق حبها القديم "خالد"و اهوا ليما قبل لا ياخذج بسنه مفاتح اهله بموضوعها.....وزعلو عليه زعله جايده وهي بنفس الوقت ترددت لانها خايفه من طليقها لا ياخذ العيال منها هذا اللي خلاهم يهونون مره ثانيه.. وبعد ما ام خالد امرضت و خطرت حالتها حنت عليه الا يتزوج عشان تشوف عياله..هذا اللي خلاه يفكر يتزوج
من غير وعي تنهمر دموعي (و احاول ان امسحها بسرعه كي لا يلاحظ احد) وترجع بي الذاكره الى اول يوم اتى فيه الى البيت لخطبتي و اقول في نفسي(و انا اللي كنت حاطه في بالي ان اول ما شافني ين عليي و بهرته بجمالي حتى ما مرت ساعه من خروجه من البيت الا دقوا اهله يبوني..كل هذا علشان يرضي امه) .. تقاطع تفكيري لتقول
شوفي دلال : ما اقص عليج...شفت البنت... مملوحه بس مو احلى منج و بعدين مبين عليها الكبر"اكبر منج ب 10 سنوات" والسمنه....يعني انت اتصكين عليها بالحلات و الرشاقه و الصغر
بس ما قلتيلي شلون عرفتي انها وخرت عنه؟؟؟؟؟-
افا عليج استعملت كيد النسا بعد ما عرفت رقمها ... بطريقتي الخاصه طلعت من شركة الهواتف الوارد,الصادر, ومسجاتها هم بعد خذيتهم..و
اييه وبعدين شسويتي فيهم؟-
وديتهم حق طليقها ووريته وشرحت له الموضوع في البدايه ما عجبتني شخصيته حسيت انها مهزوزه-
قال لي (وانا شعليي منها اهي مو على ذمتي ..حره بحياتها)... رديت عليه لاذكره:: بس عيالك عندها .. وانا ابيك تضغطها بعيالها وتهددها حتى لو ما تبيهم (العيار اللي ما يصبش يدوش)...اهنيي فعلا قام يتجاوب معاي
سوالها مشاكل مالها اول من اخر ,, فضحها عند اهلها وقالهم انها اتعرف واحد متزوج...الخ
انهارت وترجته ان ما يخذ عيالها و انها خلاص تابت....وفعلا انا تاكدت انها وخرت عن خالد صار لها 3 ايام,,, وبعدين اهيا ابوها شديد: يعني خلاص ما راح يخليها تاخذ راحتها.... تلاقينه صك عليها
صكه.......مو هذا اللي تبينه؟؟؟؟
شعرت في الدنيا كانها تدور و اصرخ
لأ مو هذا اللي ابيه-
و انهار وفي عقلي اشياء كثيره (يعني ريلي ما تركها علشاني!!!...يعني انا ما اثرت فيه؟؟ .. يعني لو بأي لحظه ترجع له ,,,,يرجع لها مثل الحمار!!!!؟؟)التقط مفتاحي
واقوم بسرعه من مكاني واذهب الى السيارةوانطلق الى حيث لا اعلم وابكي بحرقه حتى اكاد ان لا اتنفس
اشعر بان الارض ضاقت بي بما رحبت .. مللت تمثيل دور الزوجة المحبه و العشيقه امامه..منذ زواجي و انا لا انام
تظهر في الراديو اغنيه للجسمي اغنيها معه
بكيتك....لين ملتني عيوني.
و طال صبري و انتظاري
اخاف النوم ما يقارب جفوني
وانت للاسف منت بداري
غريبه كأنه يغنيها لي...
......عندها
!!!!!استدير عائده للمنزل... لاقرر ان اواجهه بالحقيقه
إما أكون.. او لا أكون

27 Comments:

  • لو تصير هالسالفة صج
    يطلع هذا كلب بن ستعش ومو ريال
    ما انقهر الا على مرة تكون جذى نظيفة وتبى حياة مستقرة وايها واحد نفس عنتر زمانه
    بس تدرين هذى مشكلة التسرع فى اتخاذ القرار
    اللى مسكينه ضايقتنى انها حملت
    راح تبتلش
    لويه القصة
    بس على فكرة تقدر هذيج الثانية تشترى خط ايزى وتكلمه منه واغلب البنات الحين جذى ;)
    لازم مرة ثانية تروح تاخذ كشف حق الريال :P
    برافو بلقيس:)

    By Blogger mishari, at 08 May, 2006 02:49  

  • almara tinthal o laman tadre an alrayal `7anha taskit matwagha wit7awil t7il al maw`6o3 ...!! o tit3athab zyada b3d? LAISH?
    alzoga lo `7anat t9er en3al o mon7ala o ti6alag mn `3er niqash lo 3ndaha 100 yahil mn al rayal!!

    ma agol 3adi anha t`7on, agol al`7iyana qabe7a bkil al ashkal, laish 3nd al rayal nitqabalha o 3nd al mara la2?

    alqi9a 7ilwa bs tbayin an almara ma`7loq `6a3ef la7awl wala qowa o 7ayat al mara mitwaqfa 3ala al zawag wl zog !!

    wain kayan al mara sha`79iyat,ha qowat,ha... karamat,ha ?

    bl nahaya eslobich wayid 7ilo o hatha ili `7alani akamil o agraha.

    ya36ech al3afya 7bebty. o mashkora.

    By Blogger No3iK, at 08 May, 2006 12:22  

  • اول شي : مو قلنا خلاص بنوقف ستاربكس وله هي مسألة عناد ؟؟ انا امزح :-)
    ثاني شي : المسائل مثل هذي لابد للشخص ان يحلها دون تدخل الاهل والاصدقاء شوفي شنو سوت فيها صديقتها ؟؟؟
    ثالث شي : مشكله ان كان الشخص يتصور انه تزوج ملاك -صح لكل شخص هفواته واخطائه ولكن الي متي ؟؟؟
    خلنا نشوف التكمله وبعد ذلك يمكننا الحكم
    تحياتي

    By Blogger layal, at 08 May, 2006 17:15  

  • 3anood 3ajeeba 3aLaa Rasy !! o waied 7ilwa 7arkt-ha .. Wintay EnshaLaa etkonen Qawya Wintay Etwajhenaa Walaa etkonen TH3EFA !!
    o Leghnya 9ej et3abir wet3awir iL GaLb .. Yalaa Waiting 7ag il baje

    By Blogger 7aaFYaa, at 08 May, 2006 20:37  

  • ترى عورتي قلوبنا مايصير جذي
    :((((
    من صجي ضاق خلقي وخاصة باغنية بكيتك لها نفس الذكرى عندي

    الله يعينها على ما بلاها وصدقيني اذا الريال ما يبيها عشان شخصها تتركه احسن لها
    اللي ما فيه خير تركه ترى اخير
    وصدقيني زواجها راح يصير بريستيج اجتماعي لا اكثر ولا اقل

    عجيبة انتي يا بلقيس

    By Blogger NaDiA AnZa7a, at 08 May, 2006 22:00  

  • mishary
    خيالك واسع خاصة بخط الايزي:)
    ترى عنود وضحت حق دلال نقطه وحده
    ان ريلها اخلاق و مستقيم ..واللي بحياته حب قديم كان وده يحصل عليه و ما قدر...بس يعني مو نوعه زير نساء..انا كنت ابي اوضح الموضوع بس ما حبيت اطول بالكتابه اكثر من جذيه
    no3ik
    احترم رايج ..لكن
    مع الااسف ترى في مجتمعنا الريال شايل عيبه.ترى حل المشكله مو بالعفرته.علشان جذيه هي ما بقت تهد بيتها بسرعه تبي تستعمل كل الوسائل المتاحه
    layal
    مرات الانسان محتاج ان يفضفض حق احد يفهمه
    بعدين صديقتها بالعكس شالت عنها نص الحمل بس النص الثاني اهيا تتكفل فيه

    By Blogger BaLqEeS, at 08 May, 2006 23:52  

  • 7afya
    يا حلوج وانتي مشتطه...خليج معاي ليما الجزء الاخير
    على فكره ترى مو انا بطلة القصه
    nadya anza7a
    احس انت اكثر وحدة مندمجه بالقصه وفاهمتها
    لانج حاسه بموقف دلال..
    مشكوره على المدح

    By Blogger BaLqEeS, at 08 May, 2006 23:59  

  • This comment has been removed by a blog administrator.

    By Anonymous Anonymous, at 09 May, 2006 00:34  

  • walaaa kalmhaa 9a7 alrayaal nafs alyaahel lazem almaraa et3arf eshloan etwajhaaa oo traa 3ady wayed ey7eboon gabel alzawaaj bs b3dain kel shy yet3'ayer lamaa alwa7ed yetzawaj oo eyshoof al real life

    faa el mas2laa yabeylaa wagt bs

    good luck all

    By Blogger cosimfree911, at 09 May, 2006 04:58  

  • endimajna with your words ya Balqees

    By Blogger Qaneema & her husband, at 09 May, 2006 19:56  

  • ولييييييييييييييييين
    السالفه مطوله
    واييييييي
    بليز بلقيس مرا ثانيه
    لا تمططين في السالفه وايد
    ما ابي حلقات مسلسل رمضاني

    ابي اعرف كل شي ما فيني صبر

    By Blogger lawyer, at 09 May, 2006 21:34  

  • cosimfree
    يمكن الانسان يمر بعلاقات حب بحياته ... بس لازم الزواج يكون له قدسيه يعني الواحد من يتزوج يقط الماضي ورا ظهره


    ghaneema
    حياج الله اختي في بلوجي...ومشكوره وايد على المدح وان شاء الله اشوفج دووم تقريلي



    lowyer
    بعد عمري و الله مو بيدي... احس هذا اختصرت بتروح حلاوة القصه

    By Blogger BaLqEeS, at 10 May, 2006 00:08  

  • مسكينة
    تحلم ببيت صغير
    وطفل جميل
    وزوج محب
    كأنه حلم مستحيل
    يتخيل إلى آن حتى الأحلام البسيطة
    صارت ضرباً من خيال

    By Blogger NewMe, at 10 May, 2006 07:36  

  • بلقيس : موهوبة و تقتربين من الواقعية . أحب ذلك لكن تكثيف الحدث واللمحة السريعة تجذب القارئ أكثر والمفاجأة ضرورية للتشويق. أنا قرأت الحلقات الثلاث و بعد إذنك أرى أن الموضوع يتحول منكِ إلى حلقات وليس قصة قصيرة لذلك حاولي أن تجعلي الخاتمة في كل مرة مشوقة وفروضها كثيرة .
    تحياتي لكِ ولموهبتك الجميلة وأتمنى زيارة مدونتي وكتابة تعليقات مطولة

    By Blogger مأمون المغازي, at 10 May, 2006 14:13  

  • :)

    By Blogger eb9ara7a, at 11 May, 2006 01:19  

  • من ناحية ان كيدهن عظيم انا متفقة معااج تماماً

    بعدين خالد هذا ما منعناه يحب وحده ثانيه

    لكن على الاقل يحترم العلاقة اللي ارتبط فيها مع زوجته


    اوووووف شي يبط الجبد

    By Blogger نون النساء, at 11 May, 2006 03:19  

  • انا اقول خل يتوكل على ويتزوجها بالسر بس بعلم مرته ويفك عمره

    By Blogger mishari, at 11 May, 2006 11:48  

  • بلقيس حلوه القصه ماشا الله
    اسجل اعجابي
    تحياتي لج

    By Blogger فوضى أفكاري, at 11 May, 2006 19:23  

  • جميلة ومشوقة

    By Blogger 7amee elDyar, at 13 May, 2006 00:17  

  • قصه مؤثره جدا ,,

    تحمل هذه المرأه مذهل جدا ,,


    ......

    رأي بغض النظر عن جانب الخيانه ,,

    رجل لا يحبني ويراني بانها هيه في كل تصرفاته ,واقواله وافعاله ,,

    لماذا الصبر اذن ؟؟؟

    خسرت اشياء كثيره ... لا تخسر المزيد ,,


    ...

    اللهم اجرها في مصييبتها واخلفها خيرا منها ,,


    ودي ,,

    رحيق

    By Blogger R7eeq, at 13 May, 2006 00:31  

  • *متابعة*

    By Blogger maha, at 13 May, 2006 00:35  

  • سامحوني اني طولت عليكم بالقصة ... انتقادات كثيره واجهتني ... وكل من يبي يعرف النهايه .... راح اكتب ان شاء الله القصه بالختصاار ..علشان ما تملون
    تحياتي

    By Blogger BaLqEeS, at 13 May, 2006 16:04  

  • newme,eb9ara7a,ra7eeq 7ameadeyar,maha
    مامون المغازي فوضى افكاري,نون النساء



    مشكورين كلكم على تواصلكم معاي... وتعليقاتكم التي ستأخذ بعين الاعتبار

    By Blogger BaLqEeS, at 13 May, 2006 16:15  

  • This comment has been removed by a blog administrator.

    By Blogger BaLqEeS, at 13 May, 2006 16:15  

  • This comment has been removed by a blog administrator.

    By Blogger BaLqEeS, at 13 May, 2006 16:15  

  • بلقيس
    يلا كملى القصة خنشوف شنو صار معاها :)

    By Blogger kazmawy, at 13 May, 2006 17:42  

  • بكيتك....لين ملتني عيوني.
    و طال صبري و انتظاري
    اخاف النوم ما يقارب جفوني
    وانت للاسف منت بداري
    .....
    ......
    فعلا تكملة رائعة
    حسيت بعذابها النفسي وكأني أنا البطلة
    ....
    وتظل قصة الحب القديم تتكرر تحيا ولاتموت
    ...
    لكنها تظل في حيرة كيف ستواجهه وتكسب تلك المواجهة هذا هو المهم
    ...
    بس المرأة الأخرى قمة النذالة
    لما كانت متزوجة تركته عشان مصلحتها وبس تطلقت ردت تدوره
    ولما لقته متزوج ليش ماتركته في حاله
    ويوم شافت اهله رافضين ليش جذيه تسوي مستحيل تكون تحب لو تحبه صج كان من البداية ماتزوجت
    ...
    والله مشكلة
    .
    .
    .
    نحـــن في الانتظار
    :)

    By Blogger sarah, at 14 May, 2006 08:58  

Post a Comment

<< Home