BaLqEeS

Sunday, April 30, 2006

هذه ليلتي و حلم حياتي
تنفتح الابواب...تنطفا الانوار.. تبدا الزفه...
مااجملني كاني ملكه.. امشي على استحياء ومهل.. مبتسمه للحضور ... اناظر صديقاتي من بعيد.. يا سلام كلهم واقفين يصفقون امي خواتي اهلي
الله انا بحلم...
كل شي كامل .. بدلتي الاوف وايت (على ذوقي انا اخترتها من فرنسا,
مكياجي (...)من ماك اهيه اللي حاطة لي اياه (والله شاطره عرفت تبرز ملامحي..) . احلى شي
الكوشه لوحه فنيه على ستايل اسطوري,,, اخ يا (غراس) والله صج فنان
المهم
وصلت الكوشه...قعدت..كل من يطالعني الكل يبي يصور معاي....
الكل يرقص و مستانس.
..ياقلبي كاهي يدتي قاعده جدام تطالعني و تبجي و امي معاها تمش دموعها وتبجي
كلها دموع فرح... حلم كل أم ان تشوف بنتها عروس بس لازم تبجي ليش ما ادري!! !يمكن لما اصير أم افهم
فجاه.
...
ياجماعه لبسو حجاباتكم المعرس بيدخل
قلبي يدق,,,انفتح الباب .هذا خالد بيدخل بزفونه ربعه و اهلي و ابوي(يا زين ابوي بالبشت)وبدت الزفه مع دخلت خالد
وقفو الرياييل بنص القاعه
وقٌبل عليي بروحه,وصل وباس راسي وهمس باذني(احلى عروس شفتها)..
.وسلموا عليه الرياييل و مشوا
الكل حاسدني عليه...يا بختي
, اسمع همس الحريم من بعيد "وااي يبين فرق العمر 10 سنوات" العروس وايد احلى منه"لا والله لايقيين
على بعض" ماشاالله عليه طاير فيها"بدت الزفه للطلعه..
طلعنا من العرس بعد ما قصينا الكيكه و كلينا
صعدنا الغرفه
..
احلى ليله قضيتها معاه عشت ليله من الف ليله و ليله... حسيت اني ملكت الكون بيدي..تذكرت ام كلثوم لما تغني
هذه ليلتي وحلم حياتي
بين ماض من الزمان و اات
سوف تلهو بنا الحياة
و تسخر فتعال احبك الان اكثر
صباح اليوم التالي
فتحت عيني من سماع صوت خالد...غمضت عيني سويت روحي نايمه علشان ابيه اهوا يصحيني بطريقته
اسمع همس همس .... احاول اسمع
حبيبتي تدرين انج اغلى شي بحياتي..و ما اقدر على فرقاج.. بس الظروف اهيا اللي حكمت"
هذا الحجي مو لي... احاول اسمع اكثرا
سمعيني انا لو ما احبج جان بهاليله ما فكرت ادز لج مسجو اقول اني احبج موووووووت ..انت صبري وان شاء الله يصير خير
دز مسج ؟؟؟؟ متى!! ماشفته ماسك الموبايل كلش .. احس بثقل براسي. .ااه راسي فجاه يعورني, بطني, جسمي يرجف. .
هذا
حلم ولا صج!!

posted by BaLqEeS at 4/30/2006 11:05:00 AM

16 Comments:

  • انا اللي بطني قام يعورني


    :/ وقبي قام يعورني

    By Blogger نون النساء, at 30 April, 2006 14:29  

  • نون النساء
    والله حتى انا وياج بس نطري الجزء الثاني

    By Blogger BaLqEeS, at 30 April, 2006 15:44  

  • يخرب بيته شنو حقير انا ريال انقهرت
    بس مالت عليه هم جيكر ويتلفسف علي حلوة لا بعد حبوبة شكلها
    مالت صج النصاب دايما جيبه متروس

    لى الله ":(

    By Blogger mishari, at 30 April, 2006 16:05  

  • الحين الي قلتيه صج جذب انا اندمجت ؟؟
    انخبص قلبي!!

    By Blogger lawyer, at 30 April, 2006 16:27  

  • مشاري

    دايما هالنوع يكون حظهم قايم

    lowyer

    هذه القصه فيها كثير من الاحداث الواقعيه بس انا غيرت بالاسماء و الاحداث ومزجت فيها الخيال
    ان شاء الله تعجبج

    By Blogger BaLqEeS, at 30 April, 2006 17:53  

  • walaa madree shagool bs hal ayaam hal 7alaa 9ayraa wayed madree laish alshabab eysawoon chethee ethaa entaa et7eb wa7daa yata5eth'haa aww 5alaa9 hedhaa oo roo7 bs 3aad et7eeb wa7daa oo tetzawaj thanyaa shenoo hatha le3eb yahaal 9eer rayaal oo gad almasooleyaa alaah yahdeeyhom walaa

    By Blogger cosimfree911, at 30 April, 2006 18:46  

  • والله اختي اول ماقريتها حسبالي صج وبعدين قلت يمكن قاعده تحلمين
    وبعدين قلت لا يمكن صج لأني شفت وايد متزوجين يخنون حريمهم وعندهم شي عادي للأسف ..
    المهم إذا كانت قصه فهي قصه حلوه وأما إذا كانت صج ماقول إلا حسبي الله ونعم الوكيل ولاحول ولا قوه إلا بالله

    تحياتي لج وعساج على القوه ناطرين الجزء الثاني :)

    By Blogger فارس هوى الكويت, at 01 May, 2006 02:56  

  • واي عورتي قلبي وذكرتيني في نفسي
    جنج اتكلمين عني
    :((
    فعلا كانت ليلة من اجمل ليالي عمري ووصفج للاحساس صحيح 100% صج كنت احس اني ملكت الدنيا ومافيها
    بس الفرق اني انا دريت بعد شهر من عرسي .. !!!!

    سرد رائع وننتظر الجزء الثاني ولاتعلقينا وايد بليييز

    وحسبي الله ونعم الوكيل

    By Blogger NaDiA AnZa7a, at 01 May, 2006 08:41  

  • We reveal our intellectual abilities, be smart, and eventually we live and learn

    ولذلك نجد الله تعالى في آياته يقول

    إن في ذلك لآيات لقوم
    يعقلون
    يتفكّرون

    By Blogger Expatriate, at 01 May, 2006 10:50  

  • أنا بالنسبة لي ما راح فكري على الخيانة

    قلت أكيد مرته الأولى

    فكروا فيها .. الفرق بينهم 10 سنين .. يعني احتمال متزوج من قبل

    By Blogger q8links, at 01 May, 2006 13:41  

  • cosimfree
    انا قلت القصه هذه احداثها شبيه بالواقع
    فارس هوى الكويت
    ماكو شي بعيد عن الواقع...ااقول لك انطر الجزء الثاني
    nadya anza7a
    يا عمري و الله حاسه فيج لاني بنت و اعرف الوحده شلووووون تفكيرها و احساسها

    By Blogger BaLqEeS, at 02 May, 2006 15:02  

  • expatriate
    انشاء الله هل قصص تكون فيها عبره لنا
    q8linke
    لا رااااح تفكر وايد

    By Blogger BaLqEeS, at 02 May, 2006 15:05  

  • Balqees
    ba3d 3omre 3awrtay galbe !! o 7ady wedy a3arif sh9aar 3ugb watmana enech bardtay chabdich o bardtay chabdee ;p ..

    By Blogger 7aaFYaa, at 02 May, 2006 21:30  

  • حسبي الله ونعم الوكيل -بس بعد لي تعليق خارج الموضوع شوي
    اننا نعتقد ان شريك الحياة اقرب ما يكون الي الملاك سواء أكان رجل او امرءه -تخيلي لو ان رجل سمع ما سمعته هذه البنت في صباحيتها؟؟؟

    By Blogger layal, at 02 May, 2006 22:38  

  • 7afya
    walla madre shagoolich bas abeech ittab3een ma33ay ilgissa o 77ayyach allah fee bloogee o inshalla aksibich ma3ay

    layal

    اول شى اسمج وايد حلو ... صج عاجبني.. بعدين يا اختي لو هل القصه عن الريال جان خذت منحنى ثاني غير القصه هذه...
    على فكره
    فيييها كثير من الواقع

    By Blogger BaLqEeS, at 02 May, 2006 23:29  

  • واااااي بسسسس تعبت
    :(((((
    ليش ضقة الخلق هذي
    ليش خليتيني ارد سنتين ورا واتذكر اللي صارلي.. :((
    بس تبين الصج والله عفيه عليها مره ما افقدت اعصابها وزين اتسوي
    واللي يعافيج نبي الجزء الاخير بسرعة
    بس لاتقوليلي تطلقت
    okkkk
    ماشالله عليج يا بلقيس صج ملكة
    روائية درجة اووولىىى بعد لوير

    By Blogger NaDiA AnZa7a, at 04 May, 2006 00:57  

Post a Comment

<< Home